Jy kyk tans na die Afrikaanse weergawe van ons webwerf
Jy kyk tans na die Afrikaanse weergawe van ons webwerf
Liewe Koshuiskinders en ouers,
Dit is ons voorreg om as koshuisouers die plek vol te staan vir ouerhuise. Elke nuwe dogter wat ons pragtige koshuistrap oploop, se hart is gewoonlik gevul met ‘n kombinasie van onsekerheid en opgewondenheid.
Dis ‘n uitdaging om skielik onder ouervlerke uit te beweeg.
Bella Aurore koshuis
Die anneks koshuis
Christopher Huis Koshuis
.png){kind=small}
Hulle sê huis is waar die hart is, maar ons, die susters van HMS koshuis verkies die stelling: Die hart is waar die huis is. Dit is eintlik die enigste verklaring vir die 176 harte wat onder die eike in die hartjie van die Paarl geleë is.
Die meeste van hierdie leerders is weeklikse koshuisgangers wat oorspronklik van die Wes-Kaap is, maar ons het ook leerders wat so ver soos Namibië kom, wat kwartaallikse koshuisgangers is.
Die koshuisouers, Phil en Lurene, is sedert 2016 die koshuisouers en is vol vars planne en idees. Hulle het albei ‘n jarelange verbintenis met die skool, met Lurene wat self ‘n onderwyseres was by HMS Paarl en Phil wat etlike jare lank op die skool se Beheerliggaam gedien het.
Die afgelope jare het Lurene ook die skool se Boutique bedryf en ken feitlik elke kind in die skool. Hulle het 4 kinders, waarvan 3 dogters, vanaf graad 8 – 12 in HMS Paarl was. Hulle beplan op die beginsel waarop die koshuis gebou is en wat jare lank gevestig is respek, selfdissipline, lojaliteit en omgee te handhaaf en self verder uit te bou.
Die graad 11 & 12 leerders word in dubbelkamers geakkommodeer en graad 8 & 9 in groepe van 5 tot 7 per koshuis. Ons het prefekte wat verantwoordelik is vir die welstand van die leerders en om seker te maak dat almal gelukkig is en die reëls van die koshuis volg. Kosgangers mag hul eie gordyne ophang, wat die huislike atmosfeer van die koshuis verhoog.
Die aanvraag na koshuisverblyf het die afgelope paar jare drasties toegeneem en moes daar vinnig plan gemaak word om meer kinders te akkommodeer.
Die musiekkamers aan die agterkant van die koshuis is in 2016 in ‘n anneks omskep en dit is nou die tuiste van 27 graad 10-meisies.
In Maart 2020 het 'n ontwikkelaar die skool genader oor die moontlikheid om bykomende koshuisverblyf te bou. Die voorstel was dat hy die gebou moes oprig en dat die skool die eiendom moes bestuur.
Na die inperkingstydperk is dit met die beheerliggaam bespreek, kontrakte is onderteken en die bal is aan die rol gesit en op 2 Mei 2021 het al die Gr 10-koshuisleerders in die nuwe gebou ingetrek. Die groep het hegte vriendskapsbande gevorm wat hulle deur hul laaste twee skooljare kan dra.
Dit was 'n onvergeetlike paar maande. Hulle het baie pret gehad, baie ure is agter boeke deurgebring, Covid het soms die ritme ontwrig en die meisies het geleer om aan te pas en elke geleentheid wat aan hulle gebied word, ten beste te benut.
Ons glo dit is nog 'n stap in die rigting van die skep van 'n skool wat sal voortgaan om 'n verskil te maak in die lewens van al die individue wat deur ons hekke stap.
2022 Paarl Girls' High. Alle regte voorbehou. Aangedryf deur Pathfind Media (en #girlshighmagic)
.png)
